पुणे : पुणे इंटरनॅशनल सेंटरने(पीआयसी) टाटा इन्स्टिट्यूट ऑफ सोशल सायन्सेस व नॅशनल इनोव्हेशन फाउंडेशन यांच्या सहकार्याने यंदा सहावी ‘नॅशनल कॉन्फरन्स ऑन सोशल इनोव्हेशन’ चे आयोजन केले आहे. येत्या शनिवारी, दि. १७ नोव्हेंबर रोजी सकाळी साडे नऊ वाजता यशदा संस्थेत हा कार्यक्रम होणार आहे. पुण्याचे पालक मंत्री गिरीश बापट कार्यक्रमाचे प्रमुख पाहुणे असतील.
या परिषदेत १७ राज्ये आणि एका केंद्रशासित प्रदेशातील १८ उद्योजक विविध क्षेत्रातले त्यांचे शोध, उत्पादने व सेवा प्रदर्शित करणार आहेत. यात शेती, कचरा व्यवस्थापन, खेळ, स्वच्छता, आरोग्य, अपंगत्व आणि शिक्षण आदी क्षेत्रांचा समावेश आहे. ‘नॅशनल कॉन्फरन्स ऑन सोशल इनोव्हेशन’तर्फे २०१८ मध्ये ‘शेअर्ड सर्व्हिस सेंटर’ सुरु करण्यात येणार आहे. हे सेंटर शोधक, उद्योजक आणि सामाजिक संस्थांना उद्योग-संबंधित सेवा कमी शुल्क अथवा निःशुल्क पुरवणार आहे.
